BİZQUYRUQ İNFEKSİYASI | infeksion xəstəliklər

BİZQUYRUQ İNFEKSİYASI

Bizquyruq infeksiyası dünyada ən geniş yayılmış bağırsaq infeksiyalarından biridir.Bizquyruq qurdları nazik,ağ rəngdə 5-13 mm ölçülü qurdlardır.

İnsan yatdığı zaman dişi qurd anus ətrafındakı dəri qatlarına minlərlə yumurta qoyur.Əksər insanlarda bu infeksiya simptomsuz keçir, lakin bəzi insanlarda anal nahiyədə qaşınma və ya yuxusuzluq kimi simptomlar özünü göstərir.

SİMPTOMLAR

Enterobioz infeksiyasının simptolarına aid edilə bilər:

- Anal və vaginal sahələrdə qaşınma
- Yuxusuzluq, həssaslıq və narahatlıq
- Fasiləli abdominal ağrı və qusma

SƏBƏBLƏR

Təsadüfən bizquyruq yumurtalarının həzm və ya tənəffüs sisteminə düşməsi enterobioza səbəb ola bilər.Yumurtalar istifadəyə yarasız qida məhsulları və su ilə eləcə də barmaqlar vasitəsi ilə ağız boşluğuna düşür.Udulmadan sonra bağırsaqlarda yumurtalar qurdlara çevrilir və bir neçə həftədə qurdlar yetkinləşir.

Dişi qurdlar yumurta qoymaq üçün anusa doğru hərəkət edirlər, bu da çox vaxt qaşınmaya səbəb olur.Anal nahiyəni qaşıyan zaman yumurtalar barmaqlara yapışır və dırnaqların altında qalırlar. Bundan sonar yumurtalar ətrafdakı əşyalara, yataq dəstlərinə,oyuncaqlara və s yayılır. Yumurtalar həmçinin çirkli əllər vasitəsi ilə qida maddələrinə, içkilərə, paltarlara və başqa insanlara keçə bilər.Yumurtaları əşyaların səthi üzərində 2-3 həftəyə qədər qala bilər.

RİSK FAKTORLARI

Enterobioz infeksiyasının risk faktorlarına aşağıdakılar aiddir:

- Az yaşlı olmaq.Enterobioz infeksiyası əsasən 8 yaşdan aşağı şəxslərdə rast gəlinir. Yumurtalar asanlıqla ailə üzvlərinə, uşaq baxıcılarına, bağçadakı və məktəbdəki digər uşaqlara keçə bilir.
- Kütləvi yaşayış olan yerlərdə yaşamaq.Sıxlıq olan yaşayış məntəqələrində enterobioza daha tez-tez rat gəlinir.

AĞIRLAŞMALAR

Tipik bizquyruq infeksiyası ciddi problemlərə səbəb olmur.Nadir hallarda ağır vəziyyət olduqda qadın cinsiyyət orqanlarında infeksiyaya səbəb ola bilər.Parazit anal nahiyədən vaginal nahiyəyə və daha sonar uşaqlığa, fallop borularına və digər çanaq orqanlarına keçə bilər buisə vaginitə və endometritə səbəb ola bilir.

DİAQNOZ

Həkim enterobioz infeksiyasını təsdiqləmək üçün bizquyruq qurdlarının və yə yumurtalarının aşkarlanması üsulundan istifadə edir.Diaqnoza yardım məqsədi ilə “tapetest” lərdən istifadə olunur.Enterobiozdan şübhəli şəxslər tualetdən istifadə etməmişdən əvvəl lent dəriyə yapşıdırılır və əgər yumurtalar varsa onlar lentə yapışır. Daha yaxşı nəticə üçün test 3 gün ardıcıl təkrarlanır və sonar nəticələr həkim tərəfindən mikroskopik müayinə olunur.

MÜALİCƏ

Müalicə məqsədi ilə ailənin bütün üzvlərinə dərmanlar təyin edilir. Bu profilaktika və reinfeksiya hallarının qarşısını almaq üçündür. Ən çox istifadə olunan antiparazit dərmanlar Mebendazol və Albendazoldur.

PROFİLAKTİKA

Bizquyruq yumurtaları əşyaların üzərinə yapışır.Buna görə əşyaların üzəri müntəzəm təmizlənməsi enterobiozun yayılmasının qarşısını alır.Reinfeksiyanın qarşısını almaq üçünsə aşağıdakılara əməl etmək lazımdır.