Pnevmoniya

Hər il dünyada təxminən 1 milyona yaxın yaşı 5 yaşdan az olan uşaq pnevmoniya səbəbi ilə dünyasını dəyişir.Bu göstərici İİV, malyariya və ya vərəm kimi infeksion xəstəliklərdən daha çoxdur. 

Pnevmoniya ağ ciyərlərin orta ağır və ağır dərəcəli infeksion xəstəliyidir.Bu xəstəlik hər hansı infusion faktorun səsəbi ilə ağciyərdəki hava kisələrinə, alveollara mayenin və ya irinin toplanmasıdır.Bu tənəffüs prosesinin çətinləşməsinə və orqanizmin gərəkli miqdarda oksigenlə təmin olunmasının pozulmasına səbəb olur.Hər kəs bu xəstəliyə yoluxa bilər,lakin bu hal 2 yaşdan aşağı uşaqlar və 65 yaşdan yuxarı şəxslərdə daha tez-tez baş verir.Bunun səbəbi immune sistemin infeksiya ilə mübarizə apara biləcək gücdə olmamasıdır.Siqaret, spirtli içkilərdən istifadə pnevmoniyaya yoluxma riskini artırır.

Əsas məlumatlar

Pnevmoniya ağciyərlərin infeksion xəstəliyidir və bütün yaş qruplarında orta və ağır dərəcəli xəstələnmə ilə özünü göstərə bilər.

• - Viruslar, bakteriyalar və göbələklər pnevmoniyaya səbəb ola bilər.
• - Pnevmoniyanın əsas əlamətlərinə öskürmə, qızdırma və tənəffüsün çətinləşməsi aiddir.
• - Pnevmoniyanın ən geniş törədicilərindən biri Streptococcus pneumonia bakteriyalarıdır.

Profilaktika qaydaları

• - Vaksinlər bəzi virusların və bakteriyaların səbəb olduğu pnevmoniya hallarının qarşısını ala bilər.
• - Əllərin müntəzəm olaraq yuyulması
• - Tez-tez təmas olunan səthlərin təmizlənməsi
• - Öskürmə və asqırma zamanı ağızı və burunu tutmaq
• - Diabet kimi xroniki xəstəlikləri daim nəzarətdə saxlamaq